Հայկական Լանդշաֆտներ

«Հայաստանյան լանդշաֆտներ» շարքը տարիների ընթացքում ձևավորված ճանապարհորդություն է դեպի հայկական բնության գույներն ու շնչառությունը։ Պարբերաբար էտյուդների մեկնելով և ապա հիշողության միջոցով վերակատարելով տեսածը՝ ստեղծվել է մի ամբողջություն, որտեղ իրական դիտարկումն արդեն միաձուլվում է զգացողության հետ։

Այս աշխատանքներում լանդշաֆտը չի մեկնաբանվում փաստագրական ճշգրտությամբ․ այն վերածվում է ներքին տեսիլքի։ Հայկական սարերն ու ձորերը, անտառներն ու ծառերը դառնում են գունային պոռթկումների և մտերմիկ լռության տարածք։ Տաք, վառ երանգները փոխանցում են կապը հայրենի հողի հետ, մի միջավայր, որտեղ մարդը կարող է հանգստանալ աղմկոտ քաղաքի ճնշումից և վերապրել հավասարակշռություն բնության հետ։

Այս շարքից յուրաքանչյուր գործ բացված պատուհան է՝ դեպի խաղաղություն․
վայր, որտեղ ժպիտն ու հանգստությունը բնական շնչառությամբ են լցվում։